2018-05-18

2019年度公眾假期又出籠鳥~

又係大家關心嘅放假問題~


1. 農曆新年請2日放9日
列排農曆新年請2-3日,就有9-10日大假,出年都唔列外~ 請(2月4日及8日)兩日就變九日,哩個大假真係好使好用,唔方便去長線嘅朋友,可以拆開嚟玩,幾日陪屋企人幾日去旅行!長線嘅可以揀南半球國家,大路當然揀番澳洲新西蘭大城市,食下行下探埋親都仲得!拆開得番幾日貨仔嘅朋友,首選都係東南亞國家,唔想捱貴飛,可以選二線城市,比如越南峴港、泰國清邁、菲律賓Cebu等等!
 


2. 復活節請4日放10日
一家大細最啱復活節出門啦,大部份日韓地區天氣都一流,春暖花開,長短棍一樣得。不過出年復活節冇得連清明一齊放就蝕少少囉!不過四月中仲趕得切去韓國賞櫻花嘅,提前請多一日假就可以出發!當然長線你又可以請夠四日大假,就變成10日,去個歐洲都唔錯喎!克羅地亞十六湖、杜邦力古城又點睇先~
 


3. 佛誕請1日放4日
復活節唔夠其他同事爭的話,就一於記望佛誕假啦!出年補假在5月13日(星期一)連埋周六日,連假都慳番唔使請已經夠去一轉台灣短線遊喇!
 


4. 端午請2日放5日
6月7日(星期五)端午節又係短線遊嘅好機會,慳番啲大假都有三天可以去曼谷食Hea摩~
 


5. 回歸請1日放4日
回歸21年最大的得著莫過於多了一天公眾假期。2019年7月1日回歸日在星期一,唔想再玩三日兩夜,咁就一於請多一日玩夠四日三夜啦!目的地方面都係東南亞為主,不過四日又可以飛番轉日韓二線城市,不如釜山、福岡、岡山等等~
 


6. 國慶+重陽節請4日放10日
餓左咁耐長假期,一於國慶連重陽一齊放啦!咁就可以請4日變10日大假(9月29日至10月7日),當然唔想同13億人口一齊迫,即使去長線遊都建議盡量揀啲冷門少少嘅,比如俄羅斯、東歐國家。
 


7. 聖誕節+元旦請4日放11日
聖誕加新年幾乎年年都係咁上下,12月24日至1月1日(請12月24,27,28,31日)即變11日,怕凍就去南半球上山下海,想過白色聖誕就去歐洲聖誕市集啦!
 


PS:大家未必可以跟足上文講去勻咁多次旅行,不過發白日夢幾時都係打工仔嘅職業病之一!得閒發下夢,人都醒神啲!

文:停不鳥


Top
手機APP

©1999-2016 香港永安旅遊有限公司

牌照號碼: 350074

2019年度公眾假期又出籠鳥~

Top